Tabrakan, Supir Palungan Majepit

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Tabrakan, Supir Palungan Majepit

Minggu, 19 November 2017, 05:55 WITA Follow

Beritabali.com/NOD

BERITABALI.COM, TABANAN.

Beritabali.com - Tabanan. Mobil palungan (Pick up) Grand Max DK 9784 FC tabrakan ajak Minibus DK 7051 WA di Jalan Dénpasar-Gilimanuk Km 43.900 wewidangan Banjar Bonian, Désa Antap, Kecamatan Selemadeg, Tabanan, Redite Pon Medangsia (19/11).

Supir mobil palugan DK 9784 FC, Mariono, 45, majepit sawatara tengan jam di tengah mobilné. Aget supir uling Banyuwangi, Jawa Timur punika nénten ngemasin séda.

[pilihan-redaksi]

Kapolsék Selemadeg Kompol Nyoman Sukanada sauning Kapolrés Tabanan AKBP Marsdianto nerangang tabrakan mobil palungan nglawan minibus punika sawatara jam 04.30 Wita ngedas lemahé.

Satondén matrabakan, mobil palungan Grand Max DK 9784 FC kasupurin olih Mariono teka uling kangin (Dénpasar) misi muatan bé. Neked di Banjar Bonian, dugas ngliwatin jalan leser maimbuh nuunang dangsah, mobil palungan punika nyrégség ngajanang (ka tengawan) ngliwatin garis sentengahan jalanné.

[pilihan-redaksi2]

Dugas ento uling kauh (Gilimanuk) teka minibus DK 7051 WA kasupirin olih I Kadék Rai Irawan, 40, uling Jimbaran, Badung. Kakadua mobil punika lantas matabrakan.

Tenggek mobil palunganné penyok ngawinang Mariono majepit di tengahan mobilé. Kramané nulungin mesuang Mariono ané ngenaningning naenan sakit.

Sawatara 30 menit supir uling Banyuwangi ento mara nyidang mesuang uling tengah mobilné. Ipun lantas kaajak maubad di Puskesmas Selemadeg di Désa Bajera.

Tatuné rahat ento makada Mariono karujuk maubad ka BRSUD Tabanan. Sopir minibus, Kadék Rai Irawan selamet tan patatu.

“Mirib supir mobil palunganné kiap ané ngranaang mobilné nyrégség lan nabrak minibus,” ucap Kompol Sukanada. (Nang Satria/ISIN GUMI)