Ngelah Agenda Di Kupang, Ronaldo Lakar Nginep Di Bali

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Ngelah Agenda Di Kupang, Ronaldo Lakar Nginep Di Bali

beritabali/ist/Ngelah Agenda Di Kupang, Ronaldo Lakar Nginep Di Bali

Rabu, 19 Februari 2025, 08:51 WITA Follow

beritabali/ist/Ngelah Agenda Di Kupang, Ronaldo Lakar Nginep Di Bali

BERITABALI.COM, DENPASAR.

Megabintang sepak bola jagat, Cristiano Ronaldo ane sai kaukina CR7, kajadwalang lakar nginep di Bali seenunne ngelah agenda telung dina di kupang, Nusa Tenggara Timur, uli Buda (19/2).

Agenda ronaldo di Kupang ento kategesang olih Direktur Yayasan Graha Kasih Indonesia Kupang, Susy Maria Katipana uli saluran telpon Sekretaris Asosiasi Provinsi PSSI NTT, Abdul Muis Soma (17/2).

Manut buka Susy, Ronaldo lakar teked di Kupang dina Buda (19/2) nganggon jet pribadi uli Bandara EI Tari Kupang.

Satonden ke Kupang, Ronaldo lakar teked muwah nginep apeteng di Jakarta dina Anggara (18/2) tur lakar ngalanturang pejalanne ke Kupang dina Buda (19/2).

“Bin mani (Anggara) teked di Jakarta, bin puan (Buda) teked di Kupang,” paneges Susy Katipana uli saluran telepon.

Sussy ngorahang Ronaldo lakar ngelah gae di Kupang atelung dina. Nanging pangelanturne, Ronaldo tusing lakar nginep di Kupang.

“Programne Ronaldo sebenehne telung dina nanging iye tusing lakar nongos di Kupang,” munyinne.

Krane katreptianne miwah fasilitas ane konden makejang ade, lad oemain Real Madrid ento lakar budang-bading Bali-Kupang mulih magedi nganggon pesawat jet pribadi.

Susi ngorahang, Ronaldo mase lakar ngaba juru malebengan ajak pakakas malebenganne padidi.

“Sangkaning security muwah fasilitas (ane konden makejang ade), iye teka ngaba paon padidi dadinne makejang urusange (padidi) ento makada iye ngaba chef muah makejang-kejangne, dadinne pesawatne disuud parikramane lakar buin ngabe iye ka Bali lantas bin maninne buin teka main ka Kupang, dadinne keto iye teka magedi,” pasaut Sussy.

“Tusing, tusing nongos di Kupang,” tegesne.