Ngawit Uli 2026, Koster Lakar Nganggarang Rp 5 Triliun Anggon Limang Proyek Jalan Baru Di Bali

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Ngawit Uli 2026, Koster Lakar Nganggarang Rp 5 Triliun Anggon Limang Proyek Jalan Baru Di Bali

beritabali.com/ist/Ngawit Uli 2026, Koster Lakar Nganggarang Rp 5 Triliun Anggon Limang Proyek Jalan Baru Di Bali

Sabtu, 1 Maret 2025, 06:58 WITA Follow

beritabali.com/ist/Ngawit Uli 2026, Koster Lakar Nganggarang Rp 5 Triliun Anggon Limang Proyek Jalan Baru Di Bali

BERITABALI.COM, DENPASAR.

Pemerintah Provinsi Bali nyayagayang anggaran ane liunne Rp 5 triliun anggo ngawangun limang proyek jalan baru ane tetujonne mucehin macet, utamanne di wawidangan Denpasar ajak Badung.

Gubernur Bali, Wayan Koster, ngorahang yening anggarane ene lakar kaalokasiang di APBD2026 tur mawit uli APBD Provinsi keto mase APBD Kabupaten/Kota.

“Tusing ja mapetek tuah ane di Denpasar dogen, nanging sajebag jagat Bali. Liu wilanganne makejang amonean sida nyujuh kanti Rp 5 triliun,” munyinne Koster suud nekain Apel HUT Kota Denpasar, Waraspati (27/2/2025).

Data ene lakar kafokusang di pawangunan infrastruktur jalan ane karasaang sida mucehin macet. Lalima proyek jalan baru lakar kawangun anggon mantangin uli Kota Denpasar nuju Kabupaten Badung, rumasuk ajak jalan ane ada di uli Sunset Road nuju Mahendradata, keto mase jalan uli Gatot Subroto Barat nuju Canggu. Lenan teken ento, jalan ane ada di Simpang Akasia nuju Simpang Padang Galak mase lakar rumasuk di pangrencana pawangunan.

Boya ja tuah pawangunan jalan baru dogen, proyek ene mase lakar ngalingkupin pawangunan maka dadua underpass, luirne underpass Ahmad Yani tur underpass Tohpati, ane kaaptiang sida nyasahang cupitne lalu lintas di tongos-tongos ane rawan macet.

Lenan teken pawangunan jalan, Koster mase nyayagayang pangrencana ane lenan anggon ngawangun gedung tongos parkir di Sanur ajak nyediaang shuttle bus ane tetujonne mucehin macet di wawidangan Pelabuhan Sanur. Kajalanangne buin Bus Trans Metro Dewata (TMD) mase marupa pahan uli skema penataan transportasi di Bali.

Bus TMD ane taen mareren majalan uli Januari 2025 lakar buin kajalanang di rute Denpasar, Badung, Gianyar ajak Tabanan (Sarbagita), nganggon anggaran ane karencanayang macelep di APBD parubahan ane lakar teka.

Koster negesang yening pawangunan infrastruktur ene dadi prioritas rikala mucehin pikobet macet ane paek-paek ene stata dadi keluhan utama krama Baline. Sangkaning proyek jalan baru tur optimalisasi transportasi publik, kaaptiang lalu lintas ane ada di wawidangan Sarbagita, utamanne Denpasar ajak Badung, sida majalan lancar.

“Pawangunan infrastruktur muwah transportasi ene kawilangin sida mucehin macet di wawidangan Sarbagita, utamanne di Denpasar ajak Badung,” munyinne siduri. (Sumber: SuaraBali.id)