Akun
guest@beritabali.com
Beritabali ID: —
Langganan
Beritabali Premium Aktif
Nikmati akses penuh ke semua artikel dengan Beritabali Premium
- Selasa, 27 Oktober 2026
Ipian Kadek Melly Suba Ilang Di Amerika, Kulawarga Ngarepang Sawane Pang Enggal Mulihanga
beritabali/ist/Ipian Kadek Melly Suba Ilang Di Amerika, Kulawarga Ngarepang Sawane Pang Enggal Mulihanga
beritabali/ist/Ipian Kadek Melly Suba Ilang Di Amerika, Kulawarga Ngarepang Sawane Pang Enggal Mulihanga
BERITABALI.COM, BULELENG.
Kadek Melly Mudiani, anak bajang uli Desa Bontihing, Kecamatan Kubutambahan, Buleleng, ane sai katawang dadi anak ane mandiri tur ngelah pangapti ane gede.
Iye kanti nyak magedi joh ke Amerika Serikat apang sida ja malajah magae, nanging pituduh idupne melenan. Melly ngalahin krana kecelakaan di New Orleans, Louisiana, dugase Saniscara (29/3).
Ilangne Melly ene nyepihang rasa sebet ane dalem di kulawargane. Bapanne, Ketut Wandika, mingetin panakne pinaka pianak ane ngelah rasa egar angabar-abar tur dot ngae angob reramanne.
“Munyinne bapa ajak meme eda jejeh jumah, Melly magedi ke Amerika lakar ngalih pengalaman,” munyin Wandika, mingetin munyi siduri uli pianakne.
Wandika simalunne keweh nerima unduke ane kaon ento, apabuin pihak FBI tusing ngidaang prejani ngamaang foto sawane Melly. Mara ngidaang kapastikayang, sasubane kabakatang tas gelah Melly ane misi paspor gelahne tur misi pipis dolar 12 lembar.
“Ento konfirmasi siduri ane tiang terima uli pihak FBI, agen, tur pengacara Melly,” tegesne. Pabligbagan siduri Wandika ajak Melly ento rikala pengrupukan peteng dogen, Sukra (28/3). Dugase ento, Melly ngidih kakirimang video parade ogoh-ogoh di Denpasar tur di desanne.
Jani, kulawarganne ngaptiang sawane Melly sida enggal kaaba mulih ke Bali apang sida kaupakarain manut buka sastra agama Hindune. Nanging, pajalanne enu ada pikobet krana kasuse ene sedek kaselehin FBI.
“FBI enu nyelehin kasus kecelakaanne ene. Ada dadua anak ane ditengah mobile, Melly ajak timpalne buin abesik ane enu selamet. Jani timpale enu kadabdabin baan FBI tur konden sida kadengokin,” munyin Wandika.
Bupati Buleleng, dr. I Nyoman Sutjidra, ane teka kaumahne, ngorahang lakar makoordinasi ajak Kedutaan Besar Indonesia ane ada di Amerika Serikat apang sawane Melly sida enggal kaaba mulih.
Editor: Putu Ayu Candra Dewi
Reporter: bbn/rat
Berita Terpopuler
Mess di Panjer Diserang 19 Orang, Empat Pemuda Luka
Dibaca: 5900 Kali
Perempuan 36 Tahun Akhiri Hidup di Kamar Kos Tulikup Gianyar
Dibaca: 4628 Kali
Rem Blong, Dua Pria Tewas Kecelakaan di Sukasada
Dibaca: 2593 Kali
Telkom Resmi Spin-Off Infrastruktur Fiber ke InfraNexia
Dibaca: 2238 Kali
Menkum Dorong WIPO Buat Standar Global Royalti, Karya AI Tak Dilindungi
Dibaca: 2210 Kali
ABOUT BALI
Misteri Lontar Lombok yang Tersimpan di Museum Dukuh Penaban Karangasem
Nyenuk Ngingkup di Tampaksiring Kembali Digelar Setelah 48 Tahun
Guruh Sudah Meramal Overtourism Bali pada Lagu "Chopin Larung" 1975
Ban Truk Meledak, Sopir Tewas di Rest Area Pekutatan
