Akun
guest@beritabali.com
Beritabali ID: —
Langganan
Beritabali Premium Aktif
Nikmati akses penuh ke semua artikel dengan Beritabali Premium
- Rabu, 29 April 2026
Paundukan Polisi Ane Ngaliwat Dugase Nyepi, Kapolres Jembrana Ngidih Pelih
beritabali/ist/Paundukan Polisi Ane Ngaliwat Dugase Nyepi, Kapolres Jembrana Ngidih Pelih
beritabali/ist/Paundukan Polisi Ane Ngaliwat Dugase Nyepi, Kapolres Jembrana Ngidih Pelih
BERITABALI.COM, JEMBRANA.
Polres Jembrana ngadaang patemon anggona mligbagang paundukan viral ane kamiluin baan anggota Polri ane ngaliwat nganggon sepeda motor dugase Nyepi di Desa Sumbersari.
Patemone ene kalaksanayang di Kantor Lurah Gilimanuk, dugase Redite (30/3/2025) sawatara jam 09.00 WITA tur katekain baan makudang-kudang para pejabat ane mapaiketan.
Kapolres Jembrana, AKBP Endang Tri Purwanto, S.I.K, M.Si., ngenterang patemone ene.
Katekain mase ajak Kapolsek Gilimanuk, Kompol I Komang Mulyadi, S.H., Kapolsek Melaya, AKP I Ketut Sukadana, S.H., keto mase pejabat uli Polres Jembrana tur pihak Desa Adat ditu.
Liunne 18 pamilet nekain pabligbagane ene, rumasuk ajak Bendesa Desa Adat Gilimanuk, Bendesa Desa Adat Sumbersari, tur pecalang desane ditu. Kapolres Jembrana ngidih pelih krana ada paundukan buka keto, tur negesang yening paundukane ene lakar kaevaluasi buin.
Satondenne, dadua oknum polisi menekin sepeda motor matik dugase Nyepi ane kaejuk baan aparat Desa Adat Sumbersari, kecamatan Melaya, Kabupaten Jembrana. Video paundukan ene kaunggah ajak akun TikTok @DONALBOY88 NAGA BALI tur viral dadinne di media sosial. Di videone ento, maka dadua polisine ngaku nyalanang swadharmane tur mapatroli.
Unduke ene ngawetuang patakon, krana aparat kepolisian ketahne suba makoordinasi ajak pihak desa apang tusing ngalaksanayang patroli di wawidangan-wawidanganne dugase Nyepi, sajaba mula uli pihak desane ane nagih apang patroli krana mapaiketan ajak katreptiane ane kagugulin lenan teken ento krana ada parindikan hukum.
Editor: Putu Ayu Candra Dewi
Reporter: bbn/jbr
Iklan Sponsor
Iklan Sponsor
Iklan Sponsor
Berita Terpopuler
5 Pelaku Pembakaran ABK Benoa Ditangkap, Ini Motifnya
Dibaca: 3830 Kali
Koster Ungkap Rencana Akses Baru ke Besakih dari Klungkung-Bangli
Dibaca: 1775 Kali
ABOUT BALI
Perang Tipat Sayan, Tradisi Syukur Petani Jaga Kesuburan Sawah
Sakralnya Bale Gajah Pura Besakih, Tak Sembarangan Orang Bisa Naik
Menyambut Energi Baru Imlek Lewat Ritual Rupang
Tradisi Imlek Unik di Singaraja, Patung Dewa Disucikan Tirta Tiga Pura