Buda Umanis Prangbakat Benjang Pucak Pujawali ring Luhur Tambowaras

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Buda Umanis Prangbakat Benjang Pucak Pujawali ring Luhur Tambowaras

Selasa, 28 Agustus 2018, 23:20 WITA Follow

beritabali.com/ist

BERITABALI.COM, TABANAN.

Beritabali.com,Tabanan. Nemonin rahina Buda Umanis wuku Prangbakat pinanggal 29 Agustus 2018 benjang, pacang memargi pucak karya pujawali ring Pura Luhur Tambowaras. Kayangan punika magenah ring wewidangan Desa Sangketan, Kecamatan Penebel, Tabanan.

[pilihan-redaksi]
Perbekel Desa Sangketan I Nyoman Sugiarta ring rahina Anggara Keliwon wuku Prangbakat (28/8/3018) nganikayang, ring pucak pujawali punika pacang kakawitin antuk nyanggra bhakti pamedek saking endag kantos tajeg surya.

"Nyaluk galah 13.00 Wita Ida Bethara kairing masucian. Disampun puput kalanturang ngiring Ida Bethara mewali ke suwang-suwang payogan," bawos krama sane kaloktah antuk aran Mang Gita, sinalih tinggal "artis pop papan atas" Bali punika.

Mang Gita ngawewehin, disampun Ida Bethara melinggih raris kalanturang antuk ngaturang padudusan. Nganteb pujawali kemargiang ring galah sia wengi.

[pilihan-redaksi2]
Puput ring rahina pucak pujawali, Ida Bethara pacang kahaturang nyejer tigang rahina. Dudonan karya pujawali puniki pacang puput ring acara nyineb sane pacang memargi ring galah mupuk kembang, rahina Redite Keliwon wuku Bala pinanggal 2 September 2018.

Mangda kauningin olih krama Bali sami, ring karya pujawali kantos mesineb, Ida Bethara ledang mapaica tetamban marupa minyak sane kakepah dados kalih.

"Minyak tamba punika sane asiki anggen tamba inum lan malih asiki anggen tamba urut," tegesnyane.

Mantuk pamedek sane makayunan nunas tamba punika jagi kapicayang antuk penyanggra canang sari lan sesari sakasidan. (bbn/rah/rob)