Beritabali.com, Tabanan. Batis kanan I Gede Sugiarta (36) pelaku maling di kutus tempat kejadian perkara ( TKP), terpaksa tembake ajak pak polisi. Tindakan tegas ne terpaksa dilakukan polisi kerana pelaku uli Banjar Dinas Kapas Jawa, Desa Tinggarsari, Kecamatan Busungbiu, Kabupaten Buleleng, nagih melaib dugas lakar metangkep.
[pilihan-redaksi]
Kasubag Humas Polres Tabanan, AKP I Gede Surya Kusuma nerangang, pelaku tembake batis kanane kerananagih melaib dugas lakar metangkep ajak petugas.
"Satondene pelaku abane ke Polres, pelaku ajake ke rumah sakit ubatine ditu. Jani pelaku sube amanange di Polres Tabanan," jelasne, Minggu (26/8/2018)
Dugas periksane ajak petugas, pelaku ngaku sube maling apang kutus. Lokasi malingne pindah pindah, mulai uli Kecamatan Sukasada, Buleleng, Kecamatan Badung, ajak di Kabupaten Tabanan di enam lokasi ane beda beda.
Pelaku ngelanggar Pasal 365 KUHP tentang pencurian dengan kekerasan, ancamane pitung tiban penjara.
"Ancamane pitung tiban penjara, kerana pelaku dugas melakukan aksine ngancam korban aji tiyuk,"jelas AKP Surya Kusuma.
Pelaku mejuk berdasar laporan uli korban Ni Wayan Suliasaih (45) di Banjar Pekarangan, Desa/Kecamatan Baturiti, Tabanan dugas Kamis (16/8).
Dugas kejadian, pelaku ane nganggo topeng cadar mecelep uli pintu kamar belakang korban. Pelaku langsung nodongang tiyuk ane bakata di paone korban.
Pelaku nyemak HP Samsung ane mecas di kamar korban. Ajak nyemak pipis Rp 120.000 ane ada di kotak warung korban. Pelaku trus megedi lan ngunci korban di kamarne.
[pilihan-redaksi2]
Kurenan korban ane mare teka uli pesu, Nyoman Selamet, nepukin kurenane di kamar pedidian. Nawang kurenane dadi korban maling ngaba tiyuk, Slamet langsung ngelaporang kejadian ne ke Polsek Baturiti.
Sat Reskrim Polres Tabanan ane pimpine ajak Kanit I Ipda Hardian Andrianto langsung ngepung pelaku. Medasar informasi masyarakat, pelaku akhirne tawange ade di sekitar Jalan Darmasarba, Kabupaten Badung.
Dugas lakar mejuk, pelaku nagih melaib. Polisi akhirne nembak batis pelaku aji pistol. Lenan teken pelaku, polisi ngamanan barang bukti besik Sepeda Motor Yamaha N Max pelung nopol DK 3002 UAH, besik buah HP Merk Samsung J7, pipis Rp 37.000, baju, topong, teken celana. Pelaku trus abane ke Polres Tabanan. [bbn/nod/psk]
