Tatelu Pamedek Ane Ngebug Pecalang Di Besakih Kajuk, Kene Kronologinne

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Tatelu Pamedek Ane Ngebug Pecalang Di Besakih Kajuk, Kene Kronologinne

beritabali/ist/Tatelu Pamedek Ane Ngebug Pecalang Di Besakih Kajuk, Kene Kronologinne

Rabu, 16 April 2025, 20:17 WITA Follow

beritabali/ist/Tatelu Pamedek Ane Ngebug Pecalang Di Besakih Kajuk, Kene Kronologinne

BERITABALI.COM, KARANGASEM.

Sasubane ngalaksanayang sakancan panyeleh kasus pangebugan pecalang di Pura Agung Besakih dugase Soma (14/4/2025), polisine lantas sida makatang tatelu pemedek dadi tersangka.

Tatelu oknume ene ngelah inisia IGLAED(30), IGLR(56), tur IGNAAP (21). Iye ajaka makejang tawanga mawit uli Banjar Dinas Selat Kelod, Desa Selat, Kecamatan Selat, Kabupaten Karangasem, tur ajaniane ene suba kajuk di ruang tahanan Polres Karangasem.

“Penahanane ene kalaksanayang disubane jajaran kepolisian ngalaksanayang sakancan panyelehan, ane luirne ngae Laporan Polisi, nekain tur ngalaksanayang olah TKP ane kaenter baan Kasat Reskrim, nureksain saksi-saksi, ngalaksanayang pangecekan CCTV. Ane kasangka pelaku katarka tusing nganutin Pasal 170 KUHP saparindikan diapan anak liu ajaka bareng-bareng ngalaksanayang kakerasan ajak anak len keto mase sakancan barang,” munyinne Kapolres Karangasem, AKBP Joseph Edward Purba uli humasne.

Paundukan pangebugane ene kalaksanayang di wawidangan Bencingah Pura Agung Besakih rikala kalaksanayang eedan Ida Bhatara Turun Kabeh (IBTK) dugase Soma tengai sawatara jam 12.40 WITA. Dugase ento, korban ane marupa pecalang ane madan Nengah Wartawan (52) sedek ngenterang papat pemedek muani-muani pesu uli sisi kauh.

Silih tunggil pamedek nyautin pangentere ento nganggon munyi: “Joh dong?” ane ngalantas kasautin baan korban nganggo munyi: “Ke Lempuyang mara joh majalan”. Munyinne ene ane ngaenang silih tunggil pamedeke pelih nampi tur ngaenang majajal.

Tusing makelo, teka lantas buin abesik pelaku lenan ane tusing terima krana raramanne kaajak majajal. Paundukane ene nyumingkin panes kanti saling tuludang pelaku ngajak korban ane pamuputne saling gebug kanti korban ulung.

Korban lantas kaselametang ajak saksi ane ada di tongose ento. Ulian paundukane ene, iye kanti sebuh di pipi tengawanne, matatu di lima tur entud tengawanne. Korban maan kaaba di Puskesmas Rendang tur jani suba mulih.