Buda Keliwon Ugu Rahinane Mangkin, Pucak Pujawali ring Pura Luhur Petali

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Buda Keliwon Ugu Rahinane Mangkin, Pucak Pujawali ring Pura Luhur Petali

Rabu, 12 September 2018, 23:55 WITA Follow

beritabali.com/ist

BERITABALI.COM, TABANAN.

Beritabali.com,Tabanan. Buda Keliwon Ugu (12/9) rahina mangkin, kemargiang pucak karya pujawali ring Pura Luhur Petali. Khayangan punika magenah ring wewidangan Desa Jatiluwih, Kecamatan Penebel, Tabanan.

[pilihan-redaksi]
Perbekel Desa Jatiluwih I Nengah Kartika, S.Sos., majeng juru warta beritabali.com maosang, Pura Luhur Petali puniki sinalih tunggil khayangan sane kamunggah Jajar Kemiri Pura Luhur Batukaru.

Indik pemargi karya pujawali Kartika nyarcayang, kakawitin saking galah 08:00 WITA antuk nyanggra pemedek. Nyaluk galah 16:00 WITA kalanturang ngiring Ida Bethara kairing masucian ke beji.

"Raris ring galah sia wengi kemargiang nganteb pujawali. Kalanturang ring galah mupuk kembang kemargiang ngaturang punjung penyakit," baosne.

Disampun puput pucak pujawali dane ngawewehin, ring rahina Respati Umanis kantos rahina Saniscara Pon Ugu (15/9) sane jagi rauh Ida Bethara kahaturang nyejer. Raris ring galah wengine minakadi galah 00:00 Ida Bethara katurang masineb.

[pilihan-redaksi2]
Manggala karya I Ketut Suparka nyarengin matur, dudonan karya pujawali puniki sampun memargi saking rahina Sukra wuku Bala (7/9) lintang antuk ngemargiang pamungkah karya. Kalanturang raris ngingsah negtegang manik galih lan petangi ke suwang-suwang Bala Putra.

"Raris benjangne menawi ring rahina Sukra kantos rahina Soma wuku Ugu (8 kantos 10/9) kalanturang ayah-ayah krama matetuasan lan nanceb penjara," ucap dane.

Dane ngawewehin, arahina sedurung puncak pujawali, utawi ring rahina Anggara Wage wuku Ugu (11/9) dibi kemargiang yadnya cari penyapsap lan mamendak paingkupan Bhatara Kabeh. (bbn/rah/rob)