I Gusti Nengah Kaler, Mawirama Salantang Yusa

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

I Gusti Nengah Kaler, Mawirama Salantang Yusa

Kamis, 30 Agustus 2018, 09:29 WITA Follow

beritabali.com/ist

BERITABALI.COM, TABANAN.

Beritabali.com,Tabanan. "Kamanah antuk titiang, mawirama punika makeh wigunane, asapunika baos I Gusti Nengah Kaler nyaur pitaken juru warta beritabali.com, Respati Pahing wuku Prangbakat (30/8).

[pilihan-redaksi]
Karauhin ring jeronne minakadi ring Jero Pinatih sane magenah ring wewidangan Banjar Kamasan, Desa Dajan, Tabanan Kaler sane maputra tigang diri lan cucu nem diri punika raris nyarca guna utama mawirama. Inggih punika anggen sasuluh lan agem-ageman numadi, ngibur manah taler pinaka sarana ngajegang lan ngalestariang seni budaya Bali miwah sastra-sastra agama Hindune.

Kaler nguningan, indik mawirama punika sampun kemargiang dane saking alit. Pengangkene, uning nyane mawirama punika tan paguru utawi otididak. Wantah saking manah jagi melajahang dewek, dane tan surud-surud melajah kantos prasida uning makeh tembang.

Antuk kawentenane sekadi punika, Kaler sane mangkin sampun mayusa 68 tiban punika sering kajodi mawirama utawi mageguritan, utamanyane rikalaning wenten krama nangun yadnya. Sekadi melaspas, pujawali, matatah, pitra yadnya miwah sane tiosan.

[pilihan-redaksi2]
Krama sane taler sinalih tunggil manggala ring Sekehe Pesantian Kama Shanti Banjar Kamasan puniki taler sering kaolemin mawirama ke desa. Taler, naggingin program acara matetembang utawi mawirama ring sinalih tunggil stasiun radio ring Tabanan.

Kaler negesang, mawirama sampun sekadi dados rah nyane. Nika mawinan galah nyane makehan kaangge nembang. Sekadi sambil ngewantu rabine ngerateng, ngaryanin bebanten, magarapan ring carik, ngempu putu-putune miwah sane tiosang.

"Salantang tuwuh kan ring galah sane rauh titiang tan pacang waneh mawirama," teges nyane.

Kaler taler ngangken rena lan bagia, riantukan seneng nyane mawirama punika sampun ngelimbak lan kawaris olih putrane, keponakan lan mantu nyane. (bbn/rah/rob)