Akun
guest@beritabali.com
Beritabali ID: —
Langganan
Beritabali Premium Aktif
Nikmati akses penuh ke semua artikel dengan Beritabali Premium
- Selasa, 3 November 2026
Sawa Ane Kasangka WNA Kabakatang Di Bak Tongos Nampung Yeh Di Jimbaran
beritabali/ist/Sawa Ane Kasangka WNA Kabakatang Di Bak Tongos Nampung Yeh Di Jimbaran
beritabali/ist/Sawa Ane Kasangka WNA Kabakatang Di Bak Tongos Nampung Yeh Di Jimbaran
BERITABALI.COM, BADUNG.
Krama Jimbaran kakesiabang ulian makatang sawa anak muani ane tusing ngelah identitas di bak tongos nampun yeh ane ada di loteng silih tunggil paumahan di Pondok Ayanakhu, Jalan Bypass Ngurah Rai, Anggara (4/3/2025).
Unduke ene ane simalu kalaporang ban ane ngelahang umah, Nyoman Predangga, ajak Basarnas sawatara jam 13.45 WITA. Korban kasangkain marupa krama uli dura negara (WNA).
Koordinator Tim Rescue di lokasi, Bayu Arya Wiraga, ngorahang yening sawa anake muani ento simalu kabakatang dugase ane ngelah umah lakar menahin bak yeh ane usak.
“Dugase kabakatang, korban tusing nganggo apa-apa, muwah yeh ane ada di tengah bak ento puyung. Tiang ajak makejang simalu suba ngalaksanayang assessment satonden ngevakuasi sawanne,” tegesne, anggara (4/3/2025) di Badung.
Proses evakuasi ene kalaksanayang adeng-adeng pesan krana akses nuju lokasi ane cupit tur ade di tongos ane tegeh.
Tim rescue ane nuunang sawa korban magiliran krana mastikayang apang tusing kenen baya rikala operasi penyelamatan.
Lenan teken ento, Kepala Kantor Pencarian muwah Pertolongan Kelas A Denpasar, I Nyoman Sidakarya, mastikayang yen proses evakuasi majalan antar.
“Yening apa ane ngaranang unduke ene nu kaselehin pihak ane berwenang. Sawa korban suba kaevakuasi ke Rumah Sakit Prof. Ngoerah krana lakar kaperiksa buin,” munyinne.
Baca juga:
Properti Komersial Bali Menek 8,46 Persen, Sektor Ritel Lan Apartemen Ngebekin Pangalimbak
Kanti jani, identitas korban muwah apa ane ngaranayang iye mati nu dadi patakon.
Editor: Putu Ayu Candra Dewi
Reporter: bbn/aga
Berita Terpopuler
Luka Batin, Cinta, dan Kebuntuan Hidup
Dibaca: 547 Kali
BNNK Buleleng Temukan 14 Orang Positif Narkotika
Dibaca: 404 Kali
Kronologi Pria Ditemukan Tewas Tergantung Pohon di Legian
Dibaca: 401 Kali
ABOUT BALI
Misteri Lontar Lombok yang Tersimpan di Museum Dukuh Penaban Karangasem
Nyenuk Ngingkup di Tampaksiring Kembali Digelar Setelah 48 Tahun
Guruh Sudah Meramal Overtourism Bali pada Lagu "Chopin Larung" 1975
Ban Truk Meledak, Sopir Tewas di Rest Area Pekutatan
