Sejarah Linuh ajak Tsunami di Gumi Bali

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Sejarah Linuh ajak Tsunami di Gumi Bali

Kamis, 23 Agustus 2018, 06:05 WITA Follow

Beritabali.com/ist

BERITABALI.COM, DENPASAR.

Sejarah nyatet di Bali taen ade linuh ajak tsunami ipidan. Peneliti linuh uli pusat penelitian geoteknologi lembaga ilmu pengetahuan indonesia (LIPI), Danny Hilman Natawijaya, ngorahang, linuh gede taen terjadi di Bali dugas tahun 1800-an. Linuh gede masih taen terjadi taun 1979.

Data USGS ngorahang, ade kutus linuh kategori gede ane taen terjadi di Bali. Linuh ane paling tue tercatat taen terjadi dugas 22 November 1815 ajak 21 Januari 1917. Di sejarah linuh ne, kejadian ento orahange gede, krane kekuatanne kanti 7 Skala Richter (SR).

Linuh ane lenan terjadi dugas 14 Juli 1976, 26 Januari 1977, 21 Mei 1979, 20 Oktober 1979 ajak 17 Desember 1979. Kekuatan linuh totonan bervariasi, mulai 5 SR kanti 6,6 SR.

Publikasi I Wayan Sengara ajak timpal ne uli Institut Teknologi Bandung nyelasang, linuh di Bali tergolong mematikan. Linuh dugas 17 Desember 1979 di Karangasem ngeranayang 400 warga metatu. Linuh dugas 29 Maret 1862 di Buleleng kekuatanne 7 MMI.

Data NOAA ngorahang, ade beberapa linuh di Bali ane ngeranayang tsunami. Linuh 22 November 1815 ngeranayang tsunami, nyebabang nak mati 1.200 jiwa. Linuh 13 Mei 1857 masih ngeranayang ombak ane tegehne 3,4 meter. Linuh 20 Januari 1917 ngeranayang tsunami ane tegehne 2 meter.

"Secara umum, frekuensi linuh di Bali termasuk sedeng. Linuh ane dibawah 7 skala Richter, cukup liyu terjadi di wilayah bagian utara ajak timur Bali. Lamun bandingang ajak linuh di utara Bali, linuh di selatan Bali agak jarang," keto bet ne Danny, lewat Kompas.com.

Danny ngorahang, perlu ade penelitian buin terkait patahan-patahan ane berpotensi nyebabang linuh di Bali.