Ngungkab Tutur Indik Tabanan Kaloktah Kota Pelangi

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Ngungkab Tutur Indik Tabanan Kaloktah Kota Pelangi

Selasa, 28 Agustus 2018, 10:07 WITA Follow

beritabali.com/ist

BERITABALI.COM, TABANAN.

Beritabali.com,Tabanan. Duk warsa 1976 nguni, Tabanan kaloktah pinaka Kota Pelangi. Napi sane ngemawinan? beritabali.com mangkin mapaungu.

[pilihan-redaksi]
Manut saking sang pengawi puisi sane malelampahan Kisah Tentang Kota Pelangi I Gusti Putu Bawa Samargantang, indik kaloktah Tabanan pinaka Kota Pelangi mengawit saking puisi i wawu sane kawacen duk warsa 1976 nguni ring raab Gedung Mario.

"Ring warsa punika Gedung Mario durung puput kawangun lan kantun merupa beton nanging sampun meraab," tuturne.

Bawa Samargantang ngawewehin, sedurung ngewacen puisi punika, dane taler nyolahang drama moderen sane malelampahan "Pelangi" sane kakawi olih N. Riantiarno.

[pilihan-redaksi2]
Dane negesang, Kota Pelangi ngangsan kukuh dados papungkusan Tabanan disampun dane nyabran sore kajodi ngewacen puisi Kisah Tentang Kota Pelangi ring makueh stasiun radio ring Bali. Minakadi radio Casanova, Tri Prasetia RRI, Menara lan sane tiosan.

Mangkin, Bawa Samargantang manahne sekadi sungsut nyaksi pulah palih perpuisian ring Tabanan ngareredang. Dane mapinunas ring angga pemerintah taler pare sekolah mangda presida nadosang puisi sekadi seni-seni lianan. Tetujone, mangda pare pamiletne presida ngukuhang pengrasa sane dahat becik lan mautama anggen sasuluh ngetut panumadianne.

"Ngiring tangiang seni puisi anggen jalaran ngibur, nangiang pengrasa luwih dados manusa taler kaanggen ngalestariang seni budaya," baosne nyineb. (bbn/gus/rob)