DPRD Bali Pacang Nutup Atlas Beach Club Rahinane Mangkin

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

DPRD Bali Pacang Nutup Atlas Beach Club Rahinane Mangkin

Jumat, 7 Februari 2025, 17:22 WITA Follow

beritabali/ist/DPRD Bali Pacang Nutup Atlas Beach Club Rahinane Mangkin.

IKUTI BERITABALI.COM DI GOOGLE NEWS

BERITABALI.COM, DENPASAR.

Sami Fraksi DPRD Bali ngayunin mangda Atlas Beach katutup rahinane mangkin. Sami manggala miwah anggota fraksi rauh tur satinut ngawentenang pidabdab sane tegas ring Atlas Beach Club.

Indike punika pinaka panyawis pikarsan Yayasan Keris Bali rikala ngarauhin DPRD Bali nyobyahang polemik penayangan simbol Dewa Siwa ring Atlas Beach Club Bali sane sampun karasayang nenten anut tur nyemerin ajahan agama Hindu.

Komisi I DPRD Bali, I Nyoman Oka Antara nganikain mangda Satpol PP Provinsi miwah Dinas Perizinan nenten malih mungkah tur nyabut operasional Atlas Beach Club Bali rahinane mangkin.

“Titiang sareng sami saking Komisi I sampun mabligbagan sareng PHDI tetujonnyane pateh, titiang sareng sami pacang sareng nyarengin, tetujon titiang rahinane mangkin puniki (Atlas Beach Club Bali), katutup,” Semaya Oka Antara majeng ring krama sane nyarengin aksi saking Yayasan Keris Bali, Sukra (7/2/2025).

Oka Antara Negesang, yening nenten yukti-yukti kaicen dande sane tegas, pacang ngawinang investor utawi sapa sira kemanten pacang dangan nyemerin simbol-simbol agama.

Pihaknyane kasarengin dinas sane maduwe amongan pacang ngarauhin Atlas Beach Club jagi nutup punika. Dane maosang nenten wenten malih baos napi-napi, cutetne patut katutup.

Oka Antara negesang, sane pacang katutup inggih punika baga saking night club sane nganggen tayangan simbol Dewa Siwa.

“Sane pacang iraga tutup inggih punika night clubnyane, duaning punika sane ngawi pikobet. Boya ja makasamian,” Pakelingne.