Krama Karangasem Nitipang Aspirasi Menahin Infrastruktur Ke DPRD

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Krama Karangasem Nitipang Aspirasi Menahin Infrastruktur Ke DPRD

beritabali/ist/Krama Karangasem Nitipang Aspirasi Menahin Infrastruktur Ke DPRD

Selasa, 18 Maret 2025, 19:38 WITA Follow

beritabali/ist/Krama Karangasem Nitipang Aspirasi Menahin Infrastruktur Ke DPRD

IKUTI BERITABALI.COM DI GOOGLE NEWS

BERITABALI.COM, KARANGASEM.

Krama kabupaten Karangasem nyobyahang makudang-kudang aspirasi ane mapaiketan ajak menahin infrastruktur ajak Wakil Ketua DPRD Karangasem, I Gusti Agung Dwi Putra, dugase pidabdab reses di Kecamatan Selat muwah Rendang, dugas 10-11 Maret 2025. Aspirasi ane kasobyahang kramane bekan ngindikin menahin jalan, drainase, ajak pamasangan lampu pangalang jalan umum (LPJU).

Di Desa Muncan, kramane ngidih apang jalan, drainase ajak lampune kabenahin tur kaupapira di makudang-kudang tongos. Usulane buka keto mase teka uli krama Banjar Dinas Pesaban, ane ngusulang pauwahan status jalan desa dadi jalan kabupaten, ajak penyengker di SD 1 Pesaban tur SD 2 Pesaban kabenahin, keto mase rehab Pura Dadia, tur Gedung SMPN 3 Muncan apang kabenahin.

Lenan teken infrastruktur, krama Banjar Dinas Geriana Kangin ngaptiang apang ada pawangunan Bale Kulkul tur program bedah rumah ane kabaang ajak krama ane tusing mampu.

“Aspirasi kramane enu kabekin baan usulan infrastruktur. Tiang ajak makejang ngaba aspirasi ene tur makoordinasi buin ane eksekutif,” munyin I Gusti Agung Dwi Putra, Buda (12/3/2025).

Yadian ada efisiensi anggaran daerah, iye mapangapti apang tusing kanti nguangin alokasi anggon pawangunan infrastruktur. Utamanne lampu jalan, pihakne mase ngusulang apang eksekutif ngamaang dana aspirasi ajak anggota dewan ane ngawinang makudang-kudang tongos sida enggal kabenahin.