Gerindra Bali Negesang Tusing Maafiliasi Ajak Ormas GRIB

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Gerindra Bali Negesang Tusing Maafiliasi Ajak Ormas GRIB

beritabali/ist/Gerindra Bali Negesang Tusing Maafiliasi Ajak Ormas GRIB

Senin, 5 Mei 2025, 09:22 WITA Follow

beritabali/ist/Gerindra Bali Negesang Tusing Maafiliasi Ajak Ormas GRIB

BERITABALI.COM, DENPASAR.

Sekretaris DPRD Partai Gerindra Bali, Kadek ‘Rambo’ Budi Prasetya, mamunyi ngindikin bek ne foto pelantikan Ormas Gerakan Rakyat Indonesia Bersatu (GRIB) ane nganggon atribut Partai Gerindra makacakan di media sosialne.

Rambo negesang yening partai tusing ngelah paiketan afiliasi ajak ormas ento.

“Mapiketan ajak foto tur makejangne ento, tiang ajak makejang dini tusing nawang dija tongosne ento. Ane suba seken Partai gerindra tusing taen maafiliasi ajak Ormas GRIB,” munyinne Kadek dugase katakonin, Sabtu (3 / 5).

Ia negesang, Gerindra Bali nyak dogen matimpal ajak makejang ormas di Bali saenu ngukuhang ideologi Pancasila. Nanging, buka paiketan organisasi, tusing ada paiketan resmi keto mase afiliasi ajak GRIB.

“Nanging prinsipne yening matimpal, Partai Gerindra di bali matimpal ajak makejang ormas ane ada di Bali. Krana tiang ajak makejang nyungkemin pesan yening matimpal pastika makejang ormas ene ngelah ideologi ane luung, pastika mase madasar ban Pancasilan yening matimpal. Yening maafiliasi ento, tiang uli Gerindra negesang tusing taen maafiliasi ajak ormas GRIB,” tegesne.

Satondenne, publik Bali kagae ewa baan foto ane ada di media sosial ane ngenahang parikrama pelantikan Ketua DPD GRIB Bali, Yosef Nahak. Di foto ne ento, ane teka ada Ketua DPD GRIB Jaya, H. Hercules Rosario de Marshall, ajak makudang atribut organisasi ane silih tunggilne bendera partai politik.

Kanti jani, konden sida katawang pidan tur dija parikrama pelantikane ento kalaksanayang.