Akun
guest@beritabali.com
Beritabali ID: —
Langganan
Beritabali Premium Aktif
Nikmati akses penuh ke semua artikel dengan Beritabali Premium
- Rabu, 29 April 2026
Koster Nepasin Pulau Di Bali Kakuasain WNA, Tuah Ada Vila Tur Investasi Pariwisata
beritabali/ist/Koster Nepasin Pulau Di Bali Kakuasain WNA, Tuah Ada Vila Tur Investasi Pariwisata
beritabali/ist/Koster Nepasin Pulau Di Bali Kakuasain WNA, Tuah Ada Vila Tur Investasi Pariwisata
BERITABALI.COM, DENPASAR.
Gubernur Bali I Wayan Koster negesang yening pulau-pulau cenik ane ada di Bali ento makejang enu padruen krama Indonesia tur abesik tusing ada ane kakuasain ban krama dura negara.
Baca juga:
DPRD Bali Sayagayang Draf Ngalegalang Tajen
Koster nepasin baos Menteri ATR/BPN Nusron Wahid parindikan kasangkain yening pulau-pulau di wawidangan Nusa Tenggara Barat (NTB) tur Bali kakuasain tur suba kagelahang olih para krama asing (WNA).
“Tusing ada ane kagelahang baan krama asing, Yening ngelah vila ditu, ada,” baos Koster di Denpasar, Bali, Buda (2/7/2025).
Dane negesang yening panekan WNA di pulau-pulau cenik ento tuah pinaka investor ane ngawangun fasilitas pariwisata buka vila, hotel keto mase restoran.
“Tusing ada kakuasain olih warga asing. Ane ada tuah anake ento invetasi ngawangun fasilitas pariwisata. Ada hotel, restoran, vila, dija dogen ada ane keto,” baosne.
Ngalantur buin, Koster mastikayang investasi krama negara asing di pulau-pulau cenik di Bali suba ngaliwatin prosedur ane beneh. Yening ada investasi ane lempas teken awig-awig, pihakne suba sayaga lakar ngamaang danda.
“Yening tusing nganutin prosedur, ene suba ada tim panreptian, yening tusing trepti lakar mabaang danda. Kan, jani suba ngawit di Pantai Bingun, ento investasine gede, krana lempas teken awig-awig, tiang suba ngamaang danda apang katutp, bongkar,” tegesne.
Koster mase ngorahang lakar makoordinasi teken kementerian ATR/BPN tur Kementerian Pariwisata anggon negesang tur menahin isu parindikan kasangkain pulai di bali kakuasain baan krama asing.
Baos dane ene nampenin baos Menteri ATR/BPN Nusron Wahid ane malunan ngorahang ada kasangkain silih tunggil pulau di wawidangan NTB tur Bali suba kakuasain baan WNA.
“Pangadep pulau-pulau cenik ajak oknum-oknum pihak asing ane len raosne WNA. Ene ada makudang-kudang paundukan, tusing tawang kenken kaden pajalanne, jeg cutetne nadak sara apa legal standingne buka apa lakar katureksain, nadak sara tanahe ento utawi pulau ne ento suba kakuasain ajak silih tunggil krama asing. Ada di Bali tur di NTB,” baos Nuson di parum ajak Komisi II DPR RI di Jakarta, Anggara (1/7/2025). (sumber: cnnindonesia.com)
Editor: Putu Ayu Candra Dewi
Reporter: bbn/net
Iklan Sponsor
Iklan Sponsor
Iklan Sponsor
Berita Terpopuler
5 Pelaku Pembakaran ABK Benoa Ditangkap, Ini Motifnya
Dibaca: 3829 Kali
Koster Ungkap Rencana Akses Baru ke Besakih dari Klungkung-Bangli
Dibaca: 1773 Kali
ABOUT BALI
Perang Tipat Sayan, Tradisi Syukur Petani Jaga Kesuburan Sawah
Sakralnya Bale Gajah Pura Besakih, Tak Sembarangan Orang Bisa Naik
Menyambut Energi Baru Imlek Lewat Ritual Rupang
Tradisi Imlek Unik di Singaraja, Patung Dewa Disucikan Tirta Tiga Pura