Akun
guest@beritabali.com
Beritabali ID: —
Langganan
Beritabali Premium Aktif
Nikmati akses penuh ke semua artikel dengan Beritabali Premium
- Minggu, 10 Mei 2026
Kejari Bangli Nyelehin Parindikan Panyutetan Pis Saku Perdin Perangkat Desa
beritabali/ist/Kejari Bangli Nyelehin Parindikan Panyutetan Pis Saku Perdin Perangkat Desa
beritabali/ist/Kejari Bangli Nyelehin Parindikan Panyutetan Pis Saku Perdin Perangkat Desa
BERITABALI.COM, BANGLI.
Pemerintah Kabupaten Bangli buin kena pikobet hukum. Sasubane ipidan Kejaksaan tinggi (kejati) Bali nerima laporan parindikan dugaan pemerasan muwah panyutetan gaji pejabat Pemkab Bangli, jani Kejaksaan negeri (kejari) Bangli tengah nyelehin buin laporan parindikan kagetepne utawi len raosne panyutetan pipis saku Perjalanan Dinas (Perdin) perangkat desa.
Kasi Intelijen Kejari Bangli, I Nengah Gunarta, nyobyahang yening pihakne suba nerima laporan ane mapaiketan ajak parindikan panyutetan pipis saku perjalanan dinas ane kaanggon baan kepala dusun, kepala lingkungan muwah bendesa adat olih Dinas Pemberdayaan Masyarakat Desa (PMD) Bangli.
“Yening anutang ajak aturanne, tiang ajak makejang di intel suba dogen ada laporan, ento patut kalanturang. Binjepan yening saja ape tusing ento ada pakibehne tusing nganutin hukum, ento kabakatang uli hasil lidik” tegesne rikala kaalih dugas Soma (3/3/2025)
Yadian suba ngalaksanayang penyelidikan, Gunarta negesang yening proses lidik enu mase masifat matutup.
“Tiang ajak makejang enu masobyahan di lapangan, konden ada hasil, Enu matutup, Binjebos yen suba ada hasilne pasti lakar kaorahang infone ane resmi ke timpal-timpal media,” pawewehne.
Sumber ane lenan uli kejaksaan ngorahang yening makudang-kudang perangkat desa ada ane ngarenggengang wilangan pipis saku perdin ane iye tarima tusing anut ajak ane sepatutne.
Baca juga:
Properti Komersial Bali Menek 8,46 Persen, Sektor Ritel Lan Apartemen Ngebekin Pangalimbak
Iye ajaka makejang tuah narima pipis saku ane wilanganne Rp 615.000,- anggon telung wai pajalan dinas, nanging sepatutne ento narima pipis Rp 1.320.000,- manut ajak wilangan Rp 440.000,- awai.
“Pajalan dinas ento di bulan November 2024, satonden Pilkada. Ada dadua pajalan, ke Banyuwangi muwah Lombok. Ane kalaporang ento ane perdin ke Banyuwangi. Miribang ane ke Lombok tusing buka keto,” sapangorahan sumber ane tusing nyak kasobyahang adanne.
Lenan teken ento, proses nyairang pipis saku ene mase karasayang tusing anut. Ane normal, pipis saku katransfer ke rekening pamilet, nanging di unduke ene, pipise ento kabaang tunai ajak staf PMD.
“Pamilet suba kaorahin apang nyetor nomor rekening, nanging rikala nyairang ento jeg baanga tunai. Ene ane dadi patakon,” paweweh sumbere ento.
Baca juga:
Ngawit Uli 2026, Koster Lakar Nganggarang Rp 5 Triliun Anggon Limang Proyek Jalan Baru Di Bali
Krana ada parindikan buka kene, krama Bangli ngantiang panyeleh uli Kejari Bangli. Yening suba mabukti ada ane tusing nganutin hukum, kasus ene bisa dadi pintu macelep penegak hukum anggon nyelehin buin katengah parindikan lempas teken hukum di widang pamerintahan daerah.
Editor: Putu Ayu Candra Dewi
Reporter: bbn/bgl
Iklan Sponsor
Iklan Sponsor
Berita Terpopuler
Remaja di Karangasem Ditemukan Tewas Tergantung di Pohon Jati
Dibaca: 1002 Kali
Isu Duet dengan AWK di Pilgub 2030, Ini Respons De Gadjah
Dibaca: 807 Kali
Pemerintah Dorong KEK Kura Kura Bali Jadi Pusat Keuangan Global
Dibaca: 623 Kali
Polisi Bongkar Praktik LC di Bawah Umur di Kafe Gianyar
Dibaca: 582 Kali
ABOUT BALI
Wali Panguangan, Tradisi Sakral Syukuran Panen di Desa Mengani Bangli
Perang Tipat Sayan, Tradisi Syukur Petani Jaga Kesuburan Sawah
Sakralnya Bale Gajah Pura Besakih, Tak Sembarangan Orang Bisa Naik
Menyambut Energi Baru Imlek Lewat Ritual Rupang