Akun
guest@beritabali.com
Beritabali ID: —
Langganan
Beritabali Premium Aktif
Nikmati akses penuh ke semua artikel dengan Beritabali Premium
- Selasa, 3 November 2026
Pesawat Airfast Maan Pikobet Teknis Di Bandara Ngurah Rai, Runway Katutup
beritabali/ist/Pesawat Airfast Maan Pikobet Teknis Di Bandara Ngurah Rai, Runway Katutup
beritabali/ist/Pesawat Airfast Maan Pikobet Teknis Di Bandara Ngurah Rai, Runway Katutup
BERITABALI.COM, BADUNG.
Saniscara, 8 Maret 2025, pesawat Airfast ane manomer registrasi DH PK OAM 6 uli Benete, Sumbawa Barat, maan pikobet teknis rikala ngalaksanayang pendaratan di bandara I Gusti Ngurah Rai-Bali sawatara jam 09.26 WITA.
Ada pitung diri penumpang ane makejangne suba maevakuasi muwah tusing ada ane kena cedera ane baat.
Krana pikobet ento, pesawat maan ada di runway sangkaning parindikan keselamatan miwah keamanan operasional penerbangan, ajanian ene runway tusing ngidaang kaanggon tongos mendarat muwah kaanggon tongos lepas landas manut buka NOTAM Nomor A0668/25 NOTAMN ngindikin panutupan runway uli jam 10.15 kanti jam 12.10 WITA.
“Indike ene kalaksanayang anggon ngevakuasi penumpang tur pesawat ke apron, keto mase mariksa muwah mastikayang tusing ada objek asing ane kecag di runway krana pikobete ento, ane ngidaang mapotensi ngae baya penerbangane,” teges General Manager Bandara Internasional I gusti Ngurah Rai, Ahmad Syaugi Shahab, Saniscara (8/3/2025).
Dane ngorahang, sangkaning unduke ene ada 10 penerbangan keberangkatan ane kena iusne tur ngawinang delayed ane wilanganne 5 penerbangan domestik tur 5 internasional.
Ajanian ne ada 21 panekan penerbangan ane kena ius, luirne 9 penerbangan domestik tur 12 internasional.
“Panekan penerbanganne dadinne kena pengalihan pendaratan ane len raosne divert ke makudang-kudang bandara alternatif cara lombok ane bekne 6 penerbangan, Surabaya (5), Makassar (3), Semarang (2), Jakarta (1), muwah banyuwangi (1). Ada 3 panekan penerbangan ane buin mabading ke bandara wiwitanne len raosne return To Base (RTB) di bandara Lombok, Jakarta, tur Singapura.” munyinne.
Dane mase ngwehin, jani ene makejang pihakne suba mautsaha ngalaksanayang ane paling luunga apang runway sida buin kaanggon.
Editor: Putu Ayu Candra Dewi
Reporter: bbn/aga
Berita Terpopuler
Luka Batin, Cinta, dan Kebuntuan Hidup
Dibaca: 546 Kali
Kronologi Pria Ditemukan Tewas Tergantung Pohon di Legian
Dibaca: 399 Kali
BNNK Buleleng Temukan 14 Orang Positif Narkotika
Dibaca: 398 Kali
ABOUT BALI
Misteri Lontar Lombok yang Tersimpan di Museum Dukuh Penaban Karangasem
Nyenuk Ngingkup di Tampaksiring Kembali Digelar Setelah 48 Tahun
Guruh Sudah Meramal Overtourism Bali pada Lagu "Chopin Larung" 1975
Ban Truk Meledak, Sopir Tewas di Rest Area Pekutatan
