Pelaku Penusukan Ring Jalan Nangka Sampun Kajuk Ring Surabaya

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Pelaku Penusukan Ring Jalan Nangka Sampun Kajuk Ring Surabaya

beritabali/ist/Pelaku Penusukan di Jalan Nangka Ditangkap di Surabaya.

Selasa, 18 Februari 2025, 09:09 WITA Follow

beritabali/ist/Pelaku Penusukan di Jalan Nangka Ditangkap di Surabaya.

BERITABALI.COM, DENPASAR.

Sawusanne dados buronan ring makudang-kudang rahina, Bastomi Prasetiawan, pelaku penusukan sane kantos ngawinang lampus I Kadek Parwata, sane mangkin sampun sida kajuk olih polisi ring Pelabuhan Tanjung perak, Surabaya, Jawa Timur.

Tersangka puniki naenin mautsaha matilar ke Tarakan, Kalimantan, sadurung pamuputne sida kajuk ring rahina Redite (16/2/2025)

Kapolresta Denpasar, Kombes Pol Muhammad Iqbal Simatupang, maosang yening tim gabungan saking Polresta Denpasar, Polsek, miwah Ditreskrimum Polda Bali ngararis gelis ngepung pelaku sewusan ipun nusuk ring Jalan Nangka.

Polisi ngantenang barang bukti marupa sepeda motor, lemat, miwah barang bukti sane tiosan sane ngukuhang pelaku ring kawentenan penusukan punika.

Pelaku kauningin naenin malaib kantos ka dura desa sawusan ngalaksanayang penusukan. Sakemaon, pamarginne sida kakeniang ring Surabaya sadurunge pamuputne kajuk ring pelabuhan. Rikala nabdabin pangejukan, Bastomi naenin ngelawan kantos ngawinang polisi patut nabdabin tegas.

“Ring pikolih pinariksa, tersangka puniki positif nganggen sabu miwah state makta senjata tajam” baos Kombes Pol Iqbal Simatupang.

Motif utawi sane ngawinang penusukan daweg punika kasangka duaning wenten iwang panampen. Pelaku ngamanahin korban wantah sawitra saking anak sane sdurungnyane naenin serempetan motor sareng ipun.

Malarapan antuk parilaksanan ipun, Bastomi Prasetiawan kakeniang pasal 351 Ayat 3 subsider Pasal 338 KUHP nganggen ancaman danda utawi hukuman 15 tiban penjara.