Gubernur Koster Negesang Tusing Nampenin Ormas Preman Di Bali

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Gubernur Koster Negesang Tusing Nampenin Ormas Preman Di Bali

beritabali/ist/Gubernur Koster Negesang Tusing Nampenin Ormas Preman Di Bali

Selasa, 13 Mei 2025, 09:34 WITA Follow

beritabali/ist/Gubernur Koster Negesang Tusing Nampenin Ormas Preman Di Bali

BERITABALI.COM, DENPASAR.

Gubernur Bali Wayan kosyer ajak jajaran Forum Koordinasi Pimpinan Daerah (Forkopimda) negesang tusing lakar nampi panekan organisasi kemasyarakatan (ormas) ane ngawutuang katreptian di tengah kramane tusing luung.

Munyinne ene kaorahang dugase Soma (12/5/2025) semengan di umah jabatan Gubernur Bali, Denpasar.

Munyinne Gubernur Koster dugase ento negesang yening Bali tusing ngalih ormas ane makulit ban katreptian, tur sosial nanging sujatinne maparipolah buka preman, ngadug-adug tur intimidasi.

Paripolah ane buka kene karasayang sida ngusak asik kasumbungan jagat Bali ane dadi destinasi wisata dunia ane trepti tur ngulangunin.

“Bali ajer pesan tur toleran ajak makejang krama uli dura Bali. Nanging, nyen ja ane ngoyong di Bali patut maparilaksana melah, magae ane jemet manut teken swaginanne, tur nyungkemin tatuek budaya muwah ninutin awig Pemerintah provinsi Bali,” munyinne Gubernur Koster, Senin, (12/5/2025) di umah jabatan Gubernur Bali, Denpasar.

Kadampingin ban Manggala DPRD Provinsi Bali, Pangdam IX/Udayana, Kapolda Bali, Kajati Bali, Manggala Pengadilan Tinggi Denpasar, Danrem 163/Wira Satya, tur Manggala BIN Daerah Bali, Gubernur negesang yening pihakne igum mucehang ormas ane ngamilunin sakancan paripolan premanisme, kriminalitas, tur ane ngae kramane biur.

Pidabdabe ene, manut buka Koster, tuah pah-pahan utsaha nyaga Bali apang stata trepti, tur shanti muwah nyokong pawangunan pariwisata Bali ane mabasis budaya tur luhung.