Nginem Tuak, Bir, Macampur Ekstasi, Luh Putri Ngemasin Mati

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Nginem Tuak, Bir, Macampur Ekstasi, Luh Putri Ngemasin Mati

Selasa, 28 Juni 2016, 12:05 WITA Follow

bbn/ilustrasi

BERITABALI.COM, TABANAN.

Beritabali.com, Tabanan. Katarka suud mapésta tuak, bir, lan ekstasi, Ni Kadék Putriani, 24, ngemasin mati di Rumah Sakit Bhakti Rahayu, Banjar Tuakilang, Désa Dén Bantas, Kabupatén Tabanan, Soma (28/6).

Bajang jegég saking Banjar Kamasan, Désa Dajan Peken, Kecamatan/Kabupatén Tabanan, puniki katarka mati ulian overdosis. Ipun mapésta lau ajak tunanganné, Madé Wijana, saking Banjar Babakan Kangin, Désa Gulingan, Kecamatan Mengwi, Badung.

Manut orti sané katerima ISIN GUMI, Putriani mapésta lau ajak tunanganné, Madé Wijana uling dina Redité (27/6) jam 22.00 Wita. Suud mapésta tuak, ipun makakalih nglanturang minum ka Kafé Jogéd di Banjar Tegal Belodan, Désa Dauh Peken, Kecamatan/Kabupatén Tabanan. Neked di Kafé Jogéd, Madé Wijana mesen bir 13 pucung. Ipun makakalih katimpalin minum olih buruh di kafé Jogéd, Mami Ria, Pandu, Arik, lan malih siki tan kauningin aranné.

Suud mapésta bir di Kafé Jogéd, Putriani lan tunanganné katimpalin Abi lan Mami Ria nglanturang mamunyah di tongos karaoké di wewidangan Dénpasar. Ipun maka petang diri ka tongos karaoké punika nyéwa mobil Suzuki Splash DK 1650 GX. Neked di karaoké, Madé Wijana lantas mesen minuman yéh putih mawadah pucung ukuran tanggung. Kéto masih mesen minuman suplemen lan pil ekstasi duang bulih. Pil punika kadum sareng petang diri. Tusing makeloné, Wijana buin mesen pil ekstasi duang bulih tur kadum sareng patpat.

Sawatara jam 04.00 Wita, ipun maka petang diri mulih uling tongos karaoké lan mawalik ka kafé Jogéd di Tabanan. Wijana lan Putriani ngatehang Abi lan Mami Ria ka kafé Jogéd. Ri tatkala pacang ngulihang mobil, Putriani ngeluah. Putriani masih ngasanin tusing mabayu. Madé Wijana maan meliang yéh kuwud nanging Putriani ngancan ngelemet. Wijana lantas mlaibang tunanganné di RS Bhakti Rahayu, tusing joh uling tongosné ngekos di Banjar Tuakilang. Nanging sawatara jam 10.00 Wita, Putriani ngemasin lacur.

Kapolsék Kota Tabanan Kompol Ida Bagus Putra kauningin olih Kapolrés Tabanan AKBP Putu Putera Sadana matutang buuté punika. Dugas kaubadin di RS Bhakti Rahayu, uling bibihné Putriani pesu didih sakadi anak kena cetik utawi upas, ketah kasambat racun. “Mayitné Putriani kakirim ka Rumah Sakit Sanglah pacang kaotopsi apang pastika tawang ané ngranaang ipun ngemasin lacur,” ucap Kompol Putra. Katarka Putriani ngemasin mati ulian overdosis suud mapésta minuman keras. “Wijana katuréksain di Polsék,” imbuh Kompol Putra. [bbn/isingumi/psk]