Pelaku Begal Di Melaya Kajuk Di Pelabuhan Gilimanuk

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Pelaku Begal Di Melaya Kajuk Di Pelabuhan Gilimanuk

beritabali/ist/Pelaku Begal Di Melaya Kajuk Di Pelabuhan Gilimanuk

Jumat, 14 Maret 2025, 21:04 WITA Follow

beritabali/ist/Pelaku Begal Di Melaya Kajuk Di Pelabuhan Gilimanuk

BERITABALI.COM, JEMBRANA.

Pelaku begal ane megal di Melaya sida kajuk baan aparat kepolisian dugase mautsaha malaibang dewek uli Pelabuhan gilimanuk, Kabupaten Jembrana.

Pangejukanne ene ulian uratian uli petugas Polsek Kawasan Pelabuhan Gilimanuk dugase ngalaksanayang pengawasan ane ketat ajak para pelaku kriminal ane mautsaha malaib uli Bali.

Kapolres Jembrana, AKBPI Dewa Gede Juliana negesang kateleban pihak kepolisianne rikala nindak tegas makudang-kudang soroh kaduratmakaan ane ngusak asik katreptian kramane.

“Sabilang informasi saparindikan tindak kriminal ane suba masobyahan, utamanne uli media sosial, patut enggal kalanturang nindak. Ene marupa pahan uli kateleban tiang ajak makejang rikala nyaga katreptian kramane, utamanne di wates wawidangan dini,” munyinne, Buda (13/3/2025).

Pelaku ane suba kasangka ngabegal di wawidangan Malaya ento mautsaha magedi pesu kadura Bali uli pelabuhan Gilimanuk. Nanging, utsahanne ento sida katepasin sasubane petugas ane majaga di pelabuhan mariksa tur makatang kahanan bukti ane ngukuhang pelaku marengin aksi kejahatan.

Kapolsek Kawasan pelabuhan Gilimanuk, Kompol I Komang Muliyadi, ngorahang yening anggotane state ngetatang uratianne di wates wawidangan anggon ngalidin pelaku kejahatan ane mautsaha magedi.

“Tiang ajak makejang bakal ngatatang buik pengawasan di wates wawidanganne ane sida dadi pidabdab anggon nepasan sakancan parilaksana duratmaka. Pelaku ane suba kasangkain milu di makudang-kudang aksi pembegalan di Melaya sida kajuk dugase lakar nyebrang ke dura Bai,” munyinne.

Lenan teken ento, kramane kaorahin apang state pariyatna ajak sakancan potensi kaduratmakan, utamanne di wawidangan ane rawan baya buka jalur wates wawidangan. Yening suba ada makatang pidabdab ane tusing melah, kramane patut pariyatna tur enggal ngalapor ke pihak ane berwajib apang sida enggal ngalaksanayang pidabdab salanturne.

Pihak kepolisian mastikaang tusing ade celah ane sida kaanggon baan pelaku kejahatan anggona malaibang dewek uli hukum, utamanne malarapan pengamanan ane stata katincapang di pamesuan jagat Baline.