Kauluk-uluk lan Jinah Telas Makeh Ngetohin SK PNS, Alaki Rabi Asal Abang Mesadu Ke Polsek

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Kauluk-uluk lan Jinah Telas Makeh Ngetohin SK PNS, Alaki Rabi Asal Abang Mesadu Ke Polsek

Jumat, 31 Agustus 2018, 11:14 WITA Follow

beritabali.com/ist

BERITABALI.COM, KARANGASEM.

Beritabali.com,Karangasem. Santukan merase keni uluk-uluk kajanjian kalolosan dados Pegawai Negeri Sipil (PNS) antuk pemargi nyerahang jinah makeh, Gede UM (39) krama Desa Culik, Karangasem nyaduang Gede SU (30) asal Abang, Karangasem ke Polsek Abang, Buda Umanis Prangbakat (29/08).

[pilihan-redaksi]
Indik punika kepatutang olih Kapolsek Abang, AKP. I Nyoman Wiranata, SH. "Nggih patut wenten sane mesadu, lan mangkin kantun tahap lidik," baosne.

Madasar saking informasi sane sampun mapupul, dUK sasih Desember 2016 dumun, Ni Made A pinaka istri Gede UM katemuang sareng Gede SU sane ngangken kanikain timpalne ngeruruh krama sane mekayunan dados pegawai negeri sipil (PNS).

Disampun pada uning, Ni Made A raris kairing matemu sareng sareng Gede SU. Ring patemon punika Gede SU maosang rikala punika wenten perekrutan PNS lan negesang medue kanti sane prasida nulungin ring Jakarta lan syaratne nyerahang jinah makeh nyane Rp.110 yuta disampun SKne rauh.

Ni Made A raris matur ring rabine inggih punika Gede UM. Selanturne ring warsa 2017 lalu, Gede SU nagih jinah DP Rp20 yuta sane kabaosang pacang kakirim ke Jakarta mangda SK PNS-ne gelis medal.

Disampun jinah kaserahang, lan kajantosang kirang langkung tigang sasih, SK PNS sane kajanjian nenten rauh. Gede UM raris nunas jibahne kewaliang. Nanging ring sasih Oktober 2017, Gede SU malih rauh makta kutipan SK atas nama Ni Made A. Daweg punika Gede SU malih nunas jinah Rp. 2 yuta, pacang kaangge lunga ke Jakarta.

Asasih raris, Gede SU malih rauh. Boya makta SK nanging malih nunas jinah kaangge prebia transport sane makeh nyane Rp. 2 yuta. Selanturne Gede SU nyabran sering rauh ke pakubon Ni Made A lan pamuputne malih nunas jinah Rp. 8 yuta kaangge naur kekirangan ngurus SK ring Jakarta.

Santukan Gede UM lan istrine nenten medue jinah, dane raris nyelang emas ring reramane mabaat 16.5 gram. Emas punika raris kaserahang majeng Gede SU.

[pilihan-redaksi2]
Galahe memargi, disampun kajantosang kirang langkung kalih sasih, SK pengangkatan Ni Made A tan paunduk. Nanging duk pinanggal 22 Desember 2017 lintang, Gede SU mewali nunas jinah Rp.30 yuta. Pengangkene jinah punika kaselang anggen proses penerbitan SK. Semalihne, mangda percaya, Gede SU mejanji pacang nyerahang sepeda motorne pinaka boreh.

Disampun jinah kaserahang, sepeda motor sane kajanjian taler nenten kaserahang. Kawentenang punika raris ngametuang manah sangsaya ring Gede UM dan rabine. Dane raris gageson nagih jinah lan emasne mangda mewali. Disampun katunas mangda mewali, dane wau presida ngewaliang wantah Rp10 yuta. Sisane kantos mangkin durung presida kewaliang. (bbn/igs/rob)

Berita Premium

•

Kata Bule Sampah soal Proyek Energi Sampah hingga Penundaan TPA Suwung

•

Legal atau Ilegal? Kadis Pariwisata Bedah Bisnis Vila di Bali

•

Mengapa Investasi di Bali hanya Berkutat di Bagian Selatan

•

Dari Musisi Muda hingga Sesepuh, Praja Mandala Jadi Panggung untuk Berkarya

•

Solusi Sampah Bali: Gugat Lewat Class Action dan Libatkan Swakelola

Reporter: bbn/rls

Kauluk-uluk Lan Jinah Telas Makeh Ngetohin SK PNS

Alaki Rabi Asal Abang Mesadu Ke Polsek

Survei Pembaca Beritabali.com

Ayo Ikut Menentukan Arah Media Lokal! Dengan mengisi survei ini, Anda ikut berkontribusi dalam membangun ekosistem informasi yang sehat dan terpercaya.