Kavonis 13 Tiban, Terdakwa Penyelundup Shabu ring Silitne Pongah Juari Makenyem

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

Kavonis 13 Tiban, Terdakwa Penyelundup Shabu ring Silitne Pongah Juari Makenyem

Jumat, 31 Agustus 2018, 15:25 WITA Follow

beritabali.com/ist

BERITABALI.COM, DENPASAR.

Beritabali.com,Denpasar. Suhardi (24) sinalih tunggil saking tiga diri terdakwa sane nyelundupan shabu-shabu antuk ngengkebang ring silitne saking Bangkok, Thailand ke Bali kantun juari makenyem daweg hakim ngevonis 13 tiban penjara, Respati Pahing Prangbakat, (30/8) ring PN Denpasar.

[pilihan-redaksi]
Vonis punika lebih ingan duang warsa saking hukuman sane kaajuang Jaksa Penuntut Umum (JPU) Gede Raka Arimbawa sane nuntut 15 tahun. Majelis hakim sane kamanggalain olih Dewa Budi Watsara satinut antuk pasal sane kamunggahang olih jaksa inggih punika pasal 113 ayat (2) Undang-Undang RI No.35 warsa 2009 indik narkotika.

"Dane terdakwa kahukum penjara suwen nyane 13 warsa," punika baos hakim raris ngetok ring ruang sidang Candra.

Tan puput antuk hukuman penjara, majelis hakim taler nuntut terdakwa denda Rp. 1 miliar subsider awarsa. Antuk putusan punika terdakwa sane ngetut kalih kantine sane sampun kavonis hakim gelis nerima sambilange makenyem duk medal susah sidang. Ring sewalapatra dakwaan, Suhardi sareng terdakwa tiosan inggih punika Airinda dan Amirul ngepah 12 paket lan suwang-suwangne makta 4 kaputan. Shabu-Shabu punika kauntal ring silit lan sarana terdakwa Airinda.

Sedurungne, ring pinanggal 11 Maret 2018 dane makasami lunga saking Thailand nyujur Bandara Internasional I Gusti Ngurai Rai, numpang ring pesawat Thai Air Asia FD-396. Disampun kantos ring bandara Ngurai Rai, dane nyujyr terminal kedatangan lan ke Pos Pemeriksaan Bea dan Cukai. Saking panureksan petugas, makatiga diri punika raris keamanan.

"Shabu-shabu sami sane kebakta Suhardi 165,57 gram brutto utawi 162,85 gram netto," asapunika Jaksa Arimbawa nguningan. (bbn/maw/rob)