4 Warsa Menyantos, Antuk Program Bayi Tabung Embas Sentana Kembar 4

guest@beritabali.com

Beritabali ID: —

Langganan

Beritabali Premium Aktif

Nikmati akses penuh ke semua artikel dengan Beritabali Premium

Lihat Benefit Lainnya

4 Warsa Menyantos, Antuk Program Bayi Tabung Embas Sentana Kembar 4

Sabtu, 1 September 2018, 11:08 WITA Follow

beritabali.com/ist

BERITABALI.COM, DENPASAR.

Beritabali.com,Denpasar. Team kedokteran RS Puri Bunda Denpasar prasida mapitulung ngembasang rare kembar 4 saking pasangan alaki rabi Luh Gede Irin Pradnyawati (29) lan Putu Agra Ricna Sukarmawan (32), Sukra Pon Prangbakat (31/8).

[pilihan-redaksi]
Rasa bagia munggah saking pasangan alaki rabi punika sane sampun petang warsa nyantos mangda prasida medue sentana. Indik punika memargi santukan sang ibu rare kembar 4 kapiambeng ring reproduksi sane ngemawinang dane nenten presida mobot normal.

"Saking ngawit merabian titiang sareng rabi tan surud mautsaha mangda medue sentana nanging ten presida ngemolihang,," tutur nyane daweg konferensi pers ring Ruang Paseban RS Puri Bunda, Jumat (31/8).

Mantuk pemargi saking dokter, dane raris cumpu ngangge teknologi reproduksi berbantu utawi program bayi tabung lan saget wenten 4 kantong biik ring wetengne.

"Duk dumun kepanggih 3 biik, nanging tigang sasih selanturne wenten malih siki. Punika kakepah paripurna lan taler sami wenten detak jantungne," dane nyaritayang saking manah liang.

Pikolihne, raris embas petang rare sane ngelangenin lan kantos rahina mangkin kantun karawat ring RS Puri Bunda kantos papat sentanane punika dados kairing budal ke pekubone.

"Titiang kantun ngemargiang proses adaptasi sedurung kadadosang budal pulang. Menawi yen ten wenten kapialang, rahina benjang sampun dados budal," dane negesang.

Saking rare makapapat punika adiri meraga lanang lan tigang diri tiosang meraga istri. Suwang-suwangne embas mabaat 1.660 gram, 1.530 gram, 1.470 gram lan 1.200 gram. Sane lanang pinaka putra kapertama mearan Putu Agartha Delano Rinandra (Agartha). Raris selanturne mearan Made Anaila Zeina Rinandra (Naila), Komang Anaira Isyani Rinandra (Naira) lan sane paling alit maaran Ketut Anaisya Kamila Rinandra (Naisya).

"Yening makasami aran punika katunggalang mapiteges paican sasuhunan maduluran putra putri sane jegeg bagus, siteng lan prawira," tegesne.

Ketua Tim Medis RS Puri Bunda sane ngwantu proses persalinan langka punika, dr. Made Wiryana, SpAN (KIC) nuturang, kawentenang puniki wau kapertama memargi ring RS Puri Bunda. Kasus puniki kawastanin kasus kelahiran quadruplet.

[pilihan-redaksi2]
"Titiang durung prasida mengklaim kawentenang puniki santukan wau kapertama ring Bali. Sakemaon ring pemargi riset titiang, pemargi kasus kantos presida sang sane embas maurip minab niki sane kapertama di Bali," dane matur ring pare juru warta.

Dane ngawewehin, ring pemargi program puniki, dane kawantu olih 11 dokter spesialis sane sampun sregep ring kebidanan dan kandungan.

"Tiang taler kawantu olih tim tiosang, utamanne pare perawat sane tan waneh lan tan surud mautsaha mangdane proses persalinan puniki memargi antar lan paripurna," sineb dr.Wiryana. (bbn/maw/rob)

Berita Denpasar Terbaru

•

Penipuan Emas Rp8,8 Miliar, Polda Bali Geledah Divine Gems di Renon

•

Mayjen TNI Widiastawa Resmi Pimpin Kodam IX/Udayana

•

Menjaga Kedaulatan Ekonomi di Balik Ilusi "Jebakan Barang Gratis" dalam Era Pasar Bebas

•

NCC 4 Jadi Ruang Kolaborasi dan Apresiasi Karya Generasi Muda

•

Polda Bali Kembali Tangkap 8 Tersangka Penyelewengan BBM Subsidi

Berita Premium

•

Mengapa Investasi di Bali hanya Berkutat di Bagian Selatan

•

Kata Bule Sampah soal Proyek Energi Sampah hingga Penundaan TPA Suwung

•

Solusi Sampah Bali: Gugat Lewat Class Action dan Libatkan Swakelola

•

Legal atau Ilegal? Kadis Pariwisata Bedah Bisnis Vila di Bali

•

Jalanan Denpasar Berderet Sampah, Kos-kosan Luput dari Pengelolaan

Reporter: bbn/rls

Bayi Kembar 4

RS Puri Bunda

The Best Cargo Company in Bali | Air and Sea Shipping in Bali

We are Your Experienced and Reliable Freight Forwarding Partner in Bali. Bali Cargo, Bali Freight Forwarder, Bali Shipping. Worldwide Cargo Logistics and Freight Forwarder in Bali, Air Freight Services, Sea Freight Services. Contact us Today 0811388874